حكايه عربى

موضوع: حكايه عربى الأربعاء سبتمبر 09, 2009 7:42 am

حكاية عربي

بس قولولي انا اعمل ايه ؟
اهرب واطفش ماللي انا فيه؟
ولّا اطحط وداري عليه ؟
ولّا اكون مجرم ارهابي ....زي الخوجه ما اقالي عليه؟
واعمل فيها شجيع السيما.... اضرب اكسر من غير ليه
ولّا اوطي الراس وادلدل.... للي الباشا يأمر بيه
روحي وروحك حتى حياتك.... تبقى فأيده سعادة البيه
يبقى قولولي انا اعمل ايه.......اقدر افش غليلي بأيه
من ايام بولفر ما ادلهم....وعده الآمر بالعدوان
نازلين دبح وقتل علينا....والدم بقى فكل مكان
غزه اريحا مزارع شبعا....قنا ووصلنا بها للبنان
والأطفال بتموت وشيوخ....عجزه فوسط نيران ونيران
نار الفتنه بينفخوا فيها....لبنا سوريا عراق وسودان
فتنه وجايه تقتّل فينا....وتمزقنا فكل مكان
قتلت فينا ضمير العربي....صبح القلب ضعيف هزلان
عايز تعرف نار الفتنه....وصلت بينا لغاية فين ؟
فتح واخوها حماس نازلين....ضرب فبعض شمال ويمين
اكراد شيعه وسنيين....صواريخ قتل ومش هامدين
وسودان فيها ناس تانيين....حالفين لحكومة وناويين
نسوا ان احنا العربيين....صعب يفرق بينا الدين
حتى بلادنا يا ناس شايفين....مش طالعين من النار سالمين
لبنان ويا السورين....طالعين في اتهامات نازلين
خايفين من بعض وناسين...مين بيدبر كل ده مين
نفسي احل اللغز يا صاحبي....ليه العربي ساكت خارس
تشريد قتل ودبح اهانه....وانته جنابك ليهم حارس
خايف تنطق كلمة لأ....لحسن يقطع منّه اليك ؟
ولّا بتهرب منه وخايف....الّي يصيبه يصبح فيك ؟
خايف تنقظ اخوك العربي!....بكره هتيجي الدايرة عليك
مش هتلاقي حد يساعدك....ولا هتلاقي حبيب حواليك
يبقى انا اضعف لأ مش هضعف ....لازم اعمل حاجه تحمينا
يلّا ندافع يلّا ونبني ....سد منيع داير حوالينا
لأ هنهاجم يلا نحطم....ترس خواجه بعزم ادينا
شيل الاسم خليجي وشامي....مصري دا سبب النكبه الينا
يلّا نوحد كلمة لأ....ونشوف مين يقدر يجارينا
نظم يلّا صفوفك يلّا....جيش المهدي مستنينا
يلا نرد كرامة عربي....ونرجع لينا اراضينا
لو هنعيش بكرامه تغنينا....او هنموت بشهاده تكفينا