رفضانى روحى

موضوع: رفضانى روحى الأربعاء سبتمبر 09, 2009 7:15 am

ساعة سكوت الليل حزين
وانا روحي طالعه للسما
الّي بروح الناس غيوم
مليانه بيها مقلمه
زي الجريد على وش عشه
فوق العماره مهدمه
الّي الشروخ زادت عليها
بصوره فعلا مؤلمه
وأنا روحي طالعه بنفس قوة
عين بصيره ما بين عمى
مكسوفه نفس كسوف صبيه
اما تكون يوم مغرمه
زادت عليها كتير ضغوط
ولقيتها فجأه مسلّمه
لكن حاولت بكل قوة
اقفل عليها اي باب
خايف لتطلع تلقى حلم
الكون دا كله يكون سراب
زي الصحارى اما بتروي
العطشانين بدموع عذاب
وبنفس منظر كلب لاهث
وسط صحرا لما ساب
من صاحبه الّي فيوم آمن
قام ظن صاحبه فكلبه خاب
والشمس تلسع في الجبين
والرمل يكوي في الكعاب
الّي فحر الشمس دابت
ويّا لحمه لما داب
زي الكلام لما يدوب
وسط السكوت من غير عتاب
رفضاني روحي
رفضاني روحي قالت عليا
شخص تافه بين سطور
قافل عليا بقفل فضّى
وعدّى م الازمان دهور
زي الحديد م الحبسه صدت
روحي طلعت في السحور
فرحانه جدا نفس فرحة
فل سارح في المرور
نفس فرحة يوم ميلادك
وسط بيت مليان زهور
لما بعد دموع ضحكت
وشوفت بعد العتمه نور
بس روحي لما طلعت
كان ناقصها كتير علام
لما قدرت فجأه عرقت
حتى غرقت في الزحام
نفس صورة دمعه نازله
وسط موج الفجر عالي
كل ليله تصد فيها
موجه ساقيه م الليالي
مر صبر الدنيا خلّى
من دموعي سم غالي
اسقي منه كاس لروحي
واسقي باقي الدمع حالي